" අතීතය මහ සයුරක්නම් සිදුවීම් එහි රල පහරවල් වගේ.... නිරන්තරයෙන්ම සිප ගත්තා මගේ සිත..... ඔබට මෙය නොවැටහෙන බව මා දනිමි.... තවමත් මා ඔබ නිසා වේදනා විඳිමි...... මා ඔබට පෙම් කරන තරමට ඔබ මට පෙම් නොකරන බව සැබෑය................."
මතකද ඔයාට මේ වචන පේළි ටික ? මේ ඔයා මට එවපු පළවෙනි පෙම් හසුන පටන් අරන් තිබුන විදිය.ඒ මීට වසර ගනනාවකට කලින් හරියටම කිව්වොත් 18 කට කලින්. ඔයාගෙයි කියන කිසිම දෙයක් අද මං ළඟ නෑ එත් ඔයාගෙ මේ වචන ගලේ කෙටූ අකුරු වගේ මගේ හිතේ නොමැකෙන විදියට ලියවිලා තියෙනව.
පුංචිම පුංචි හිරිමල් කෙල්ලෙක් සංදියෙදි ඔයා මගේ හිතට එබෙන්න උත්සහ කලේ...මාස ගනනාවක්... ඉන්න ඒකත් මං හරියටම කියන්නම් .... හරියටම මාස 7 ක්.... ඔව් මාස 7ක්....ඔයා මගේ ආදරේ ඉල්ල ඉල්ල පස්සෙන් ආවා.ඒත් මං ඔයාව ගනන් ගත්තෙ නෑ.. මං ආඩම්බරයි ඒ දවස්වල ගොඩක්.... ඔයා ඔයාගෙ උත්සහය අතඇරියෙත් නෑ...මාස ගනනාවක් පස්සෙන් ඇවිත් හෙම්බත් වුණ ඔයා මගේ යාළුවෙකුගේ අතේ කොහොම හරි මට කියවන්න කියලා ලිපියක් දීල තිබුණ... ඒක හරියට දුක්බර ප්‍රේම කාව්‍යක් වගේ.ආඩම්බර පුංචි මගේ හිත සසළ කලා ඒ ලිපිය....ඔතින් මං ඔයාට පැරදුණ.... ඔයා දිනුවා....එදා මං ඔයාට දිනුම දීල ඔයාගෙ ආදරේ පිළිඅරන් මං මගේ මුලු ජීවිතේම වරද්ද ගත්ත. ඒ වරදට මම තමත් දඩුවම් විඳිනව.... ඔයාගේ ආදරේ මාව ඇදලා දැම්මේ සුලු පටු අගාධෙකට නෙවෙයි.ඔයාගෙ පෙම්වතිය... ඔයාගේ බිරිඳ හැටියට ඔයා ළඟ ගෙවුණ වසර දහයට මට උරුම වුනේ කඳුළ සුසුම වේදනාව... මං ගැනම උපන් ආත්මානුකම්පාව සහ කලකිරීම විතරමයි.ඔයාට වෛර කරන්නත් නොහිතුනාම නෙවෙයි. ඒත් මම ඒ සිතුවිල්ලට තටු ගහල ඉගිළෙන්න ඉඩ දුන්නෙ නෑ.ඒ මම ඒ දවස්වල ඕනාවටත් වැඩිය හොඳ කෙනෙක් වුන නිසා වෙන්න ඇති.රන්ඩු කරල , වෛර කරල පලි අරගෙන දිනාගන්න තරම් පිරිසිදු ප්‍රේමයක් ඇත්තටම ඔයා ළඟ තිබුනේ නෑ... කිලිටි වෙච්ච පිළුණු වෙච්ච ආදරයක් මට බලෙන් ළඟ තියාගෙන ඉන්න ඕන උනෙත් නෑ...
ඉතිං ඔයා නිදහසේ ඉගිල්ලිලා ගියා....මං බලන් හිටියා කවදම හරි ඔයාටම හිතුණ දවසක ආයෙමත් ඒවි කියල.... එත් ඔයා ආවෙ නෑ..... ඔව් ඔයා යන්නම ගියා....
දන්නවද එදා ඔයා මට ලියලා එවපු වචන ටික මං අද ඔයාටම කියනව..... බලන්න ඒක හොදටම ගැලපෙන්නෙ ඔයාටම නේද....?
"
අතීතය මහ සයුරක්නම් සිදුවීම් එහි රල පහරවල් වගේ.... නිරන්තරයෙන්ම සිප
ගත්තා මගේ සිත..... ඔබට මෙය නොවැටහෙන බව මා දනිමි.... තවමත් මා ඔබ නිසා
වේදනා විඳිමි...... මා ඔබට පෙම් කරන තරමට ඔබ මට පෙම් නොකරන බව
සැබෑය................."
4 comments:
ආදරය සුන්දර වරදකි.....
ඔව් ............ කිසිමදාක සමාවක් නැතී
ජිවිතේම දෙල් වෙනවා ආදරේ කරන්න ගිහාම
හැබැයී ඔයා ගැන දුකයී
ස්තූති ආලෝකා මේ දුකම තමා මගේ සතුට
Post a Comment